August 5, 2018
2018 ވަނަ އަހަރު ސިވިލް ސަރވިސް ކޮމިޝަނުން ހުޅުވާލި “ސިވިލް ސަރވިސް އީޖާދީ އިނާމު” ގައި މި އެޖެންސީ އިން ބައިވެރިވެ މި އިނާމުގެ 3 ގިންތީގެ ތެރެއިން އެންމެ މަތީ ގިންތިކަމަށްވާ “ގޯލްޑް އެވޯޑް” ވަނީ ހާޞިލްކޮށްފައެވެ. މި އެވޯޑަށް ކުރިމަތިލުމުގެ ގޮތުން ހުށަހަޅައިފައިވަނީ މި އެޖެންސީ އިން ބޭނުންކުރަމުންދާ “އީ-އެންސްޕާ” ސިސްޓަމެވެ. މިގޮތުން “އީ-އެންސްޕާ” އަށް ގޯލްޑް އެވޯޑު ލިބިފައިވަނީ އިންފޮމޭޝަން ޓެކްނޮލޮޖީ ބޭނުންކޮށްގެން އޮފީހުގެ މަސައްކަތްތައް ހަލުވިކުރުމުގެ ދާއިރާއިންނެވެ. މި ސިސްޓަމަކީ މި އެޖެންސީގެ މަސައްކަތްތަކުގެ ހިންގުން ޒަމާނީ އައު ގޮތްތަކާއިއެކު ހަރުދަނާކޮށް، ރައްޔިތުންނަށް ފޯރުކޮށްދޭ ޚިދުމަތް ހަލުވިކޮށް، ޚިދުމަތުގެ ފެންވަރު ރަނގަޅުކޮށްދީފައިވާ ސިސްޓަމެކެވެ.
