މި ޕްރޮގްރާމްގެ ދަށުން ތެރަޕިއުޓިކް ފަރުވާ ހޯދުމަށް އެހީ ފޯރުކޮށްދެވޭނީ ޤާނޫނު ނަންބަރު 2010/8 (ނުކުޅެދުންތެރިކަން ހުންނަ މީހުންގެ ޙައްޤުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ޤާނޫނު) ގެ ދަށުން މާލީ އެހީތެރިކަން ފޯރުކޮށްދިނުމަށް ނޭޝަނަލް ސޯޝަލް ޕްރޮޓެކްޝަން އެޖެންސީގައި ރަޖިސްޓްރީ ކުރެވިފައިވާ ފަރާތްތަކުގެ ތެރެއިން މިއެހީއަށް އެދި ހުށަހަޅާ ފަރާތްތަކަށެވެ.

1. ތެރަޕީގެ އެހީއަށް އެދި ހުށަހަޅާ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ކޮޕީ
2. ތެރަޕީ ހޯދުމަށް ޑޮކްޓަރ/ ތެރަޕިސްޓް ލަފާދީފައިވާ ލިޔުން (ކަމާގުޅޭ ޑޮކްޓަރު ނުވަތަ ތެރަޕިސްޓް ގެ ސޮއި އަދި ސްޓޭމްޕް ހިމެނޭ ލިޔުމެއް)
3. ބޭނުންވާ ތެރަޕީ އާއި އޭގެ އަގު އެނގޭނެ ކޯޓޭޝަން (ފޯމުގައި އެހީ ބޭނުންވާކަމަށް ބަޔާންކުރާ ތެރަޕީ ޚިދުމަތާއި ޑޮކްޓަރުގެ ލިޔުމުގައި އަދި ހުށަހަޅާފައިވާ ކޯޓޭޝަންގައިވާ މަޢުލޫމާތު ދިމާވާން ވާނެއެވެ).
4. ފައިސާގެ އެހީއެއް ލިބިއްޖެނަމަ އެފައިސާ ޖަމާކުރާނެ ބޭންކު އެކައުންޓުގެ މަޢުލޫމާތު ސާފުކޮށް އެނގޭނެފަދަ ބޭންކުން ދޫކޮށްފައިވާ ލިޔުމެއް (ހުށަހަޅާ އެކައުންޓަކީ ނުކުޅެދުންތެރިކަން ހުންނަ ފަރާތްތަކަށް ފޯރުކޮށްދެވޭ މާލީ އެހީގެ ޕްރޮގްރާމްގައި ނޭޝަނަލް ސޯޝަލް ޕްރޮޓެކްޝަން އެޖެންސީގައި ރަޖިސްޓްރީ ކުރެވިފައިވާ ފަރާތެއްގެ ނުވަތަ އެފަރާތުގެ ބެލެނިވެރިޔާގެ ގޮތުގައި އެޖެންސީގައި ރަޖިސްޓްރީ ކުރެވިފައިވާ ފަރާތެއްގެ އެކައުންޓަކަށްވާން ވާނެއެވެ).

• ނުކުޅެދުންތެރިކަން ހުންނަ ފަރާތަށް ބޭނުންވާ ތެރަޕީގެ ނަން
• ތެރަޕީ ނަގަންޖެހޭ މުއްދަތު (ދުވަސް / މަސް / އަހަރު )
• ޑޮކްޓަރު ނުވަތަ ތެރަޕިސްޓްގެ ސޮއި
• ޑޮކްޓަރު ނުވަތަ ތެރަޕިސްޓްގެ ސްޓޭމްޕް

• ނުކުޅެދުންތެރިކަން ހުންނަ ފަރާތުން ނަގަން ބޭނުންވާ ތެރަޕީގެ ނަން
• ތެރަޕީ ނަގަންޖެހޭ މުއްދަތު (ދުވަސް / މަސް / އަހަރު )
• ހަފްތާއަކަށް ނުވަތަ މަހަކަށް ނަގަންޖެހޭ ސެޝަންގެ އަދަދު
• ކޮންމެ ސެޝަނަކަށް ނަގާ އަގު
• ހަފްތާއަކަށް ނުވަތަ މަހަކަށް ނަގާ އަގު
• މުޅި ޖުމްލަ ތެރަޕީއަށް ހިނގާނެ ޚަރަދު

މި ފޯމަކީ ތެރަޕީއަށް އެދޭ ފޯމުގައި އެހީ ބޭނުންވާކަމަށް ބަޔާންކުރާ ތެރަޕީ އާއި ޑޮކްޓަރުގެ ލިޔުމުގައި އަދި ހުށަހަޅާފައިވާ ކޯޓޭޝަންގައިވާ މައުލޫމާތު ދިމާނުވާ ޙާލަތްތަކުގައި އިތުރު މަޢުލޫމާތު ސާފުކުރުމަށްޓަކައި ތެރަޕީގެ ޚިދުމަތް ފޯރުކޮށްދޭ ތެރަޕިސްޓް ފުރަންޖެހޭ ފޯމެކެވެ. މިފޯމު ހުށަހަޅާނީ އެޖެންސީއިން އެދިއްޖެ ޙާލަތެއްގައެވެ.

އެޖެންސީއަށް ފޯމުހުށަހެޅުމުން ފޯމު އެޖެންސީގައި ރަޖިސްޓްރީކުރެވޭ ވަގުތު ފޯމުގެ އެންޓްރީ ނަންބަރާއެކު ފޯމު ލިބުނުކަން ފޯމު ހުށަހަޅާ ފަރާތުގެ މޮބައިލް ފޯން ނަންބަރަށް އެސް.އެމް.އެސް ގެ ޒަރީޢާއިން އެންގޭނެއެވެ.

ފޯމުގައި ހިމެނޭ މަޢުލޫމާތު ފުރިހަމަ ނުވާނަމަ އެމަޢުލޫމާތު ފުރިހަމަކުރުމަށް އަންގައި 3 މަސްދުވަހުގެ މުއްދަތެއްދެވޭނެއެވެ. އަދި މިމުއްދަތުގެ ތެރޭގައި މަޢުލޫމާތު ފުރިހަމަނުވާ ފޯމުތައް ބާޠިލުކުރެވޭނެއެވެ. ނަމަވެސް ފޯމު އަލުން ހުށަހެޅުމުގެ ފުރުޞަތު އޮންނާނެއެވެ.

• ތެރަޕީގެ ޚިދުމަތްދޭ މަރުކަޒު މެދުވެރިކޮށް
• އެހީލިބޭ ފަރާތް / ބެލެނިވެރިޔާއާއި އެޖެންސީއާއި ދެމެދު ވެވޭ އެއްބަސްވުމެއްގެ ދަށުން ކަނޑައެޅޭ މުއްދަތަކަށް ދެވޭ ފައިސާ މެދުވެރިކޮށް. މިގޮތަށް އެހީދެވޭނީ ތެރަޕީ ދޭންޖެހޭ މުއްދަތު 6 މަސް ދުވަހަށްވުރެ އިތުރުވާނަމައެވެ.
• އެހީލިބޭ ފަރާތް / ބެލެނިވެރިޔާ ގެ ބޭންކް އެކައުންޓަށް އެހީގެ ފައިސާ ޖަމާކޮށްގެން. މިގޮތަށް ފައިސާ ޖަމާކުރެވޭނީ ތެރަޕީ ދޭންޖެހޭ މުއްދަތު 6 މަސް ދުވަހަށްވުރެ ކުރުނަމައެވެ.

• އެހީފޯރުކޮށްދެވޭ ތެރަޕީގެ ޚިދުމަތްހޯދުމަށް ނޫންގޮތަކަށް އެހީގެ ފައިސާ ބޭނުންނުކުރުން
• ތެރަޕިއުޓިކް ޚިދުމަތްތަކަށް ޤަވާޢިދުން (%60 ސެޝަނަށް) ޙާޟިރުވުން.
• އެހީގެ ގޮތުގައި ފައިސާ ބޭނުންކުރުމަށްފަހު ބަކީ ހުރެއްޖެނަމަ އެފައިސާ އެޖެންސީއަށް ރައްދުކޮށްދިނުން.
• ތެރަޕީ ނެގުމަށްފަހު ތެރަޕީއަށް ޙާޟިރުވިކަމުގެ ލިޔުމާއި ތެރަޕީއަށް ފައިސާދެއްކި ރަސީދުގެ ކޮޕީއެއް ހަމަޖެހިފައިވާ އުޞޫލުން އެޖެންސީއަށް ހުށަހެޅުން.